1949年嘅广州冰怡馆我早听老人家讲有三间，一间喺东川路依加嘅松厦冷气嘅位置，当年叫做“越光”，一间喺依加银龙大厦嘅位置，叫做“别有天”，另一间就喺惠福路省人民医院附近，名字不详。唯一没拆除嘅就喺“越光”，曾经有一个大我十几岁嘅同事读小学时就喺东川路长大，佢话当年东川路唔喺几旺，路边仲有一间奶牛场，佢从来没饮过，屋企穷吖嘛，佢当年都喺平时着木屐，嫌麻烦多数光脚，开学礼过年过节阿妈会将收埋嘅“力士鞋”亦称“陈嘉庚胶鞋”俾我同事着，一返屋企就要除低收埋，平时冇咩也娱乐，周时走去越光睇热闹，越光有地下室，出口就喺该建筑嘅北侧，2006年犹存，当年喺停放夹化妆间，一层喺告别室，同事话我知，告别仪式嘅司仪拉长声主持好得意，觉得有嘀老师读课文咁，唔知边个跟边个学嘅？仲有就喺化妆师喺个阿姨，自己周时都化妆，与众不同，特别浓妆，佢哋一班马骝喺度估，过个阿姨是否用越光铺头入边嘅化妆品帮自己化妆？[呲牙]我知道后话知读初中嘅小女，于是某个补习完英文北风萧萧嘅晚黑，小女带住几个同学仔路过东川路，嚟到松厦嘅地下室门口，讲咗该处嘅前世，吓得同学仔鼠窜而去，小女大笑而归，[强][强]讲到“别有天”，撞啱遇着一个街坊董叔，七十几岁，喺西华路土生土长，问到“别有天”，特别开心，当年“别有天”喺广州最犀利嘅冰仪馆，有着住西洋军装嘅乐队伴奏添，按操办人家经济实力，最少四个乐手，最多时见过十几廿个乐手，用长号小号昔时风铜管等吹奏，曲目由主人家定，安魂曲居多，时髦嘀嘅“魂断蓝桥”“友谊地久天长”都有，吹得如歌如泣感人肺腑令人一壳眼泪，董叔们嘅音乐欣赏就喺哩度启蒙嘅。过嘀乐手一到晚黑就摇身一变换套老西去惠福路长堤路沙面嘅歌舞厅吹奏揾食，收入几可观下。过嘀歌舞厅嘅俊男靓女都唔知乐手白天喺吹哀乐嘅嘀嗒佬，[呲牙]过阵时，东风西路叫德坭路属郊外公路啦，人车稀少，路中起咗花坛，花坛与花坛之间有好阔落嘅通道，别有天嘅灵车就泊喺度，平时唔锁都冇事，行人个个避而远之。近市一医院(过阵时叫“方便医院”）一侧有检验房，过阵条件简陋，遇有检验解剖，都喺大开门窗通风，董叔一班马骝周时走去当睇戏咁，[呲牙]董叔话我知，惠福路过间叫做“收敛所”，唔会承办殇事，1949年前民国治下，民不聊生，街市周时有衣食无着贫困潦倒嘅“扑街”，有一班兄弟踩住好似军用三轮嘅特制三轮车周街执尸，挂斗就喺一具铁皮棺材，哩帮兄弟喺由当时市政府请来做嘢嘅，有固定工资，收入几好，多为子承父业，正正铁饭碗嚟噶，就喺名唔喺几好听，冇咩也朋友，亲戚多唔往来。西华路大坑渠就喺哩帮人嘅聚居地嚟，董叔有个一齐玩大嘅同学仔，读完小学就子承父业开咗收敛三轮车，有咗收入手头活络，周不时请董叔一班马骝食嘢，过阵时大多人穷恨食，美食当前，屋企唔俾与仵作佬玩嘅告诫抛之珠江河，一齐同捞同煲，几咁开心，董叔老窦知道，一番暴打不提，[呲牙]再以后城市建设，市区冰怡馆就搬咗去太和岗，90年代又搬咗去现址银河园，太和岗被发展商掘地晒阴气，起咗“御龙庭”，孕育咗众多传说，在此节略。当年蚊割，老妈有一个战友喺民政局，荣任“走/资派”，踢咗去太和岗搞卫生，与老妈蚊割去饭堂推饭车送饭有得比，佢怨气冲天，老妈乐此不疲，唔驶劳神费心，食饭都喺上班时间，工资照发，做完嘢落班返屋企休息，掂知好景不长，军宣队进驻，恢复原职，又去劳心伤神啦，[呲牙]。