结束广西9日嘅左右江、漓江、北仑河游泳活动，有嘀攰，终于8月3号返到广东高州，住向“尚府酒店”，係电梯厅窗口偶然往下望咗下，醒目咁发现有间“老广州云吞世家”，喺点评网搜咗下，决定添日朝早过嚟试下，一大早过嚟，点咗份“鲜肉云吞面”，细，16蚊，有八只云吞，味道过得去，唔係“禾杆冚珍珠”，面都算爽口，唔係竹升蛋面，汤亦唔係金汤，冇虾籽味，有煮面汤嘅感觉，觉得係适应本地口味嘅“老广州”，与满大街福建省莆田市“老上海”同款，四星以资鼓励。返“尚府酒店”再食过。