公司同事介绍来到这家新开的餐厅,环境很大,坐位舒服,餐厅也有健康的韩国野食卖,价钱不贵,餐厅食物有素食&肉食,主打健康不加味精,每星期转MENU,蕃茄中东米杂菜沙律有火龙果,哈密瓜,cherrytomato,中东米,沙律菜细细块,容易食,生果很甜,萝卜昆布手撕鸡米线的昆布汤底很清淡,没有加味精,萝卜很甜,很多手撕鸡,米线很滑,滑蛋烟三文鱼BAGEL,BAGEL是自家制,一切下去已FEEL到很脆,滑蛋很多,配菜是我最爱的羽衣甘蓝配黑醋汁,紫薯鲜奶有紫薯的甜味,拉花&颜色也很可爱,甜品苹果UFO的上面是烧热的苹果,没有加糖,很软林林,苹果味道刚好,下面是松脆的薄批和薄片苹果,口感味道一流.

朋友介绍呢间Cafe，所以我哋两个伪文青走嚟呢间咖啡室慢活一吓。喺酒店嘅一楼，出𨋢后喺门口打量一吓，Cafe名牌唔太显眼，所以有点犹豫。有趣之处系：呢度乜都要自己动动手，去前台落单，接收器震动时就自己取餐。餐具自己攞，食完就放返啲餐具去回收处。冇乜所谓啦，减低成本，野食又可以平啲，fine~嘢食主要都系少肉多菜或全素，食肉兽嘅我地，今晚一于嚟个健康晚餐，少少肉，多多菜。藜麦鲜果沙律诚意之作，颜色好鲜艳，生果够新鲜，超正。三色藜麦、士多啤梨、沙律菜、蓝莓、哈密瓜、橙仲去埋衣，好细心。连比较少见嘅木瓜都有，好甜。两碗素汤，入口甘甜，冇半点味精。滑蛋烟三文鱼BAGELBagel烘得松脆，面头有黑白芝麻，入面亦搽左牛油，配菜系羽衣甘蓝同木瓜。饀料系烟三文鱼同滑蛋，滑蛋上枱时系充满蛋汁，要快啲食，放得耐左就会熟左。要提一下，个木盘有啲细，一切开Bagel饀料会跌出嚟，建议用个大啲嘅器皿。黑松露大啡菇扁意粉黑松露味好香，用左几种菇，菇味更出。大啡菇厚肉多汁。苹果UFO面头有个大球，味道似炖苹果。底层酥皮上面细心咁铺左一片片苹果，卖相好靓。酥皮牛油味好又够松脆，要赞吓系甜度低，唔会觉甜腻。HotMOCHASize好大杯，亦有拉花，味道唔错，但就略嫌过甜。ColdGreenTeaLatte冻饮都做到拉花，好少见。但绿茶味就争左少少，浓啲会更好。虽然冇乜服务，要自己动动手，但味道唔错，质素高，价钱合理，真心唔错。唔驶成日大鱼大肉嘅，少少肉多多菜，养生之道也~