黑店，严重差评，欺负不懂行的人

请问皮鞋维修吗？就是鞋底掉落了！！能维修吗？

波鞋烂到开口笑，入风凉爽我心照；又係时候摞去整，经过翰诺好环境；痴好鞋头顺便洗，店员一睇就有计；4日搞掂似新买，开心欢快想大唉。#路K纯#应元路三眼井上街斜对面，明达大厦一线街铺，同富宏花园夹住中间条巷巷口位置，一般都会有好多小黄单车放置嘅。#in歪饿文#店面细细，整齐放住整好洗好嘅鞋，有贵有平，而且鞋油鞋胶内增高垫等等都有得买，有张独立专座係俾客人嚟需要刷鞋服务坐嘅。#sir佛史#店员都几好，我对鞋烂咗个鞋头，开晒口之前用502痴唔到，搞到一笪笪黑色嘢，店员都好有耐心讲解应该点处理同埋大概要几耐时间，服务方面做得算几好。有咩好：几专业嘅修补皮具专门店，睇到咁多靓鞋靓袋都喺呢喥整就知放心得过，就算我对鞋爆晒口，邋邋遢遢咁整完洗完都起码有8成以上新，效果说明一切。最尾补充：又有对平底鞋由于右脚比较窄要去撑大，价钱都可以讲係中等水平，当然同街边补鞋价钱冇得相提并论，整好出嚟嘅效果睇得出技术去到咩层次嘅，唔好贪小便宜或者自己冇工具有信心去整，绝对係两回事，对于自己心爱嘅波鞋都係交翻比专业嘅人士去处理好啲。