剛買了新車，原車音響唔夠聽，膽粗粗諗住睇下珠海有冇得搞，係懂車帝上面揾左幾間珠海改音響，最後揀左粵聲。打動我既係因為佢地改音響案例豐富(係斗陰，小紅書，懂車帝上面可以揾到)，有經驗，亦有改過右軚電車。係微信同師傅溝通，師傅竟是個懂音響的小姐姐，據說訂製音箱的圖都係佢出的。問了問價錢，覺得合適，星期六一早就上左舖頭考察。我係同老婆一起上去的，舖頭招呼好好，細心介紹各種改裝方案。因為我要求要保留原車內飾外觀，不能做A柱倒模及影響尾箱空間，粵聲便為我設計了隱藏式方案。這樣既能擺放一部DSP和2部Amp,又可有大尺寸的低音和箱體，又不影響尾箱任何空間。咁樣一黎唔駛擔心尾箱低音會被雜物整到，更重要既係令我一下就攞到老闆批准改裝。事不宜遲，梗係即刻試喇叭啦。店裡面有個試音室，裡面裝左套車機音響，有amp同不同的喇叭可以即場比較，揀啱聽的喇叭就容易好多。音響最忌冇得試，揀左唔啱自己口味風格。唔係話調音調唔返，而係如果可以發揮喇叭特性，性價比會更高。本諗住等下，下次先搞，但試音後實在被毒到，決定心動不如行動(趁老闆未轉軚)。即刻扑鎚改裝。大拿拿比左幾皮野，佢地出左4個師傅招呼我部車，結果2天就搞掂，開心返香港嘆音響。舖頭售後好好，返去可以無限次免費調音，調到你滿意為止。第日賣車，仲可以免費幫你還原。佢地係全國連鎖，專注做音響，有自己既車床，即時訂製音箱。講講個人感受，首先，音場闊左好多，有立體感，低頻量同質感都有水準，人聲亮麗，而且細節豐富。聲音收放反應快，應該係隻amp夠力，煲左幾日，開始有空氣感。打算煲多排，返去再調音。目測佢地生意都唔錯，主要係大陸車同澳門車多。還有，小貓真的好可愛[色]#港車北上#電車北上#改音響#珠海#汽車改裝#AudiQ4etron#自設工房