睇完冇咩水嘅德天瀑布，4月19号上昼抵达百色，匆匆忙忙食完午餐，赶住去到“鸿安大饭店”，稍事休息，即去到畅游碧澄河会场原定下昼两点开始活动，四五个领导讲话，拖咗近一个钟，热得参泳者个个身水身汗，我更惨，汗如雨下，几乎虚脱，游完水食完饭一觉到天光，喺点评网抄到附近嘅“屯子里院子早餐（砂锅粉店）”离住处一公里几，按导航从城中村穿过去，都係唔方便，噙晚落雨，村道积水，后返来一于行车路，行程争唔几。行入七塘社区泵当村，转咗几个弯，就见到佢哋门面，图七，喺小院子支起遮雨棚，作大堂，放置台凳供食客使用，点咗一份“砂锅老友粉”，10蚊，加一份脆皮烧肉5蚊，加一个荷包蛋2蚊，共计17蚊。由于游水后有嘀攰，唔敢食辣，几好味，光盘。饭后慢慢踱返住处不提。沿路见到牛马肉生鲜店，马肉35蚊斤，仲有一间“脆皮狗肉粉”，可惜肚已塞满，饭后要奔赴浩坤湖，添日又唔停留，可惜鸟！